Обединети во болката и тагата: НБА и тимовите му оддадоа почит на Коби Брајант (видео)

Сите кошаркарски и спортски арени од НБА лигата оддадоа почит на прерано и трагично починатата НБА и кошаркарска легенда, Коби Брајант.

Брајант загина во хеликоптерска несреќа овој викенд, на 41-годишна возраст. Симболично, обединети во тагата и болката за ненадоместливата загуба, многу од НБА натпреварите започнаа со стагнација во играта од 24 или 8 секунди, во чест на Брајант и броевите од неговите дресови кои ги носеше во Лејкерс за време на неговата блескава и шампионска кошаркарска кариера.