Нови главоболки за Клоп: Фирмино принуден и во продолжение да го предводи нападот на „Црвените“

Напаѓачот на Ливерпул, Даниел Стариџ ќе мора да замине на нова пауза, по болеста, стигна и повреда.

Стариџ е надвор од ростерот од почетокот на декември и победата на Ливерпул над Спартак Москва, најпрво беше болен, а сега има проблем со мускулот.

„Не сум баш сигурен, но знам дека Стариџ нема да може да игра некое време. Беше болен, потоа се појави проблемот со мускулот. Не е тешка повреда, но да бидам искрен, во овој период малку е потребно играчите да бидат надвор од терените поради мускулите“, истакна Клоп.

Тоа значи дека Роберто Фирмино ќе продолжи да го предводи нападот на „Црвените“ во следните натпревари.