Новак Ѓоковиќ избран за најдобар спортист во светот!

Најдобриот тенисер во светот , Новак Ѓоковиќ ја доби престижната титула на најдобар спортист минатата година, на свеченоста во Монте Карло.

Првиот рекет во светот ја доби наградата „Лауреус“, по четврти пат во кариерата, за достигнувањата во минатата година на свечената церемонија во Монако.

Во конкуренција за наградата беа и Лука Модриќ, Ле Брон Џејмс, Луис Хамилтон, Килијан Мбапе и Елиуд Кипчоге.

Гимнастичарката Симон Бајлс е прогласена за најдобра спортистка на светот, додека наградата за животно дело ја доби Арсен Венгер.

Ѓоковиќ веќе трипати ја освои оваа награда, откако претходно беше избран за најдобар спортист во 2012, 2015 и 2016 година.

„Нелсон Мандела, основачот на Лауреус кажа дека спортот е универзален јазик и дека има моќ да го промени животот на многу млади луѓе. Лауреус фондацијата го прави токму тоа“, истакна меѓу другото Ѓоковиќ.

The @LaureusSport 'World Sportsman Of The Year' Award goes to @DjokerNole ??? #Laureus19 pic.twitter.com/WgNu1oUguW

— Maps Maponyane (@MapsMaponyane) February 18, 2019