Ништо од НБА: Најдобриот играч во Евролигата останува во Турција

Српскиот кошаркар Василије Мициќ потпиша нов договор со Анадолу Ефес, потврдија од турскиот тим.

Најкорисниот играч во Евролигата и МВП на финалниот турнир стави потпис на договор од три години со клубот од Истанбул.

После завршувањето на клупската сезона се пишуваше дека 27 годишниот кошаркар би можел да се пресели во НБА, но сепак тоа не се случи Мициќ од 2018 година е кошаркар на Ефес, во кариерата играше уште за Мега, Баерн, Звезда, Тофас и Жалгирис.

Во овој момент тој е со репрезентацијата на Србија со која се бори за место на Олимписките игри.