Eкипите на Сан Антонио и Денвер ќе играат мајсторска за место во наредната фаза од плејофот откако Спарси на домашен терен изминатата ноќ славеа победа со 120:103.
Со таа победа Спарси изедначија на 3:3 во серијата.
Шанса да станеш YouTuber! Приклучи се! ↓↓↓
На Наџентси не им беше доволен ниту чудесниот настап на Никола Јокиќ кој уфрли дури 43 поени, имаше 12 скока и подели девет асистенции. Без оглед што неговиот тим не победи Јокиќ може да биде горд на себе бидејќи го собори српскиот рекорд во НБА лигата.
Имено, претходно ниту еден Србин не успеал да постигне 43 поени во најсилната кошаркарска лига, досегашниот рекорд го држеше Пеџа Стојаковиќ кој како играч на Сакраменто постигна 42.
Освен тоа Јокиќ вчера стана само четвртиот кошаркар во историјата кој во еден плеј-оф натпревар имал учинок од барем 43 поени, 12 скокови и девет асистенции. Пред него тоа им успеало само на Чарлс Баркли, Меџик Џонсон и Оскар Робертсон.
Последниот меч во серијата и конечната пресметка за влез во полуфиналето на Западната конференција Наџентси и Спарси ќе го играат во ноќта помеѓу сабота и недела во 04:00 часот по средноевропско време.
Учество во игри на среќа е дозволено за лица со 18+ години. Играј одговорно!