Нико Гонзалес: Имам договор до 2024, но сакам во Барселона да останам доживотно

Фудбалерот на Барселона, Нико Гонзалес започна да ги освојува симпатиите на пошироката јавност со одличните настапи во дресот на Барселона.

Играчот од средниот ред стана неизоставен дел од првиот тим на Барселона и очекувањата се да има оглема кариера. Нико е продукт на академијата на Барселона, Ла Масија и сезонава започна да добива шанса помеѓу сениорите.

„Наскоро ќе се сретнеме со челниците на Барселона и ќе разговараме за мојот договор кој истекува во 2024 година. Би сакал да останам во Барселона доживотно. Во минатото го одбив Манчестер Сити затоа што секогаш сум бил фан на Барселона“, изјави Нико Гонзалес.