НБА лигата ќе биде отворена со два фантастични натпревари

Новата НБА сезона ќе започне 22-ри октомври и уште на отварањето ќе имаме два фантастични натпревари.

Американските медиуми објавија дека новата сезона ќе ја отварат тимовите од Лос Анџелес, Лејкерси и Клиперси, а шампионот Торонто ќе игра против Њу Орлеанс.

Лејкерси и Клиперси доведоа неколку одлични засилување. На Леброн Џејмс му се придружија Ентони Дејвис и Де Маркус Каузинс, но од другата страна ќе ги чекаат Леонард и Пол Џорџ кои потпишаа за Клиперси ова лето.

Првиот пик на НБА драфтот Зион Вилиамсон со својот Њу Орлеанс ќе игра против Торонто.

Рапторси останаа без најголемата ѕвезда, Леонард. Поради тоа навистина е тешко да очекуваме повторно да ги видиме во НБА финалето, а од друга страна Зион ќе го предводи реновираниот тим на Њу Орлеанс без Ентони Дејвис.

Овој тим претрпе големи промени и од нив многу се очекува, а сигурно дека Зион ќе биде во центарот на вниманието.

Наскоро ќе биде познат и комплетниот распоред.