Надал: Жал ми е што Ѓоковиќ нема да игра, тој е еден од најдобрите на сите времиња

Новак Ѓоковиќ поради познатите правила во САД за вакцинација нема да биде во можност да игра на овогодинешниот УС Опен.

За ситуацијата со Ѓоковиќ сега зборуваше неговиот голем ривал од тенискиот терен, Рафаел Надал.

Шпанецот истакна дека за него не е добро тоа што Ѓоковиќ нема да биде дел од турнирот, но потенцираше дека спортот е поголем од еден човек.

„За мене тоа се тажни вести. Штета е што еден од најдобрите тенисери нема да се појави на гренд-слем поради одредена причина. Во овој случај недостига еден од најдобрите на сите времиња и навистина тоа не е добро. Сепак, нашиот спорт е поголем од еден човек“, изјави Надал.