На драмата и дојде крај: Пуел и Лестер се „совршен спој“

Драмата на Крег Шекспир е завршена, и тоа со несреќен крај како што во поголемиот број случаи се случува.

Она што сега ќе биде нова задача е да му се посреќи на Клод Пуел. Управата на Лестер го именуваше 52-годишниот тренер на местото нов шеф на стручниот штаб и со некогашниот кормилар на Монако, Лил, Лион, Ница и Саутемптон потпиша договор до јуни 2020. година.

Потпретседателот Ајавар Сриваднапраб кратко посочи дека Лестер и Пуел се „совршен спој“.

Управата на клубот имаше неколку кандидати, додека екипата во меѓувреме ја предводеше Мајкл Еплтон. Пуел своето деби ќе го има во недела на мечот против Евертон, кој остана без свој менаџер.