Мурињо: Трофејот во ЛЕ би бил совршен крај на сезоната

Менаџерот на Манчестер Јунајтед, Жозе Мурињо изјави дека освојувањето на трофејот во Лигата на Европа би бил совршен крај на сезоната за неговата екипа.

Јунајтед и Селта синоќа на „Олд Трафорд“ одиграа натпревар без победник (1:1) во реваншот од полуфиналето на ЛЕ, па така англискиот гигант со вкупен резултат од 2:1 се пласира во своето прво финале во ЛЕ.

Јунајтед за трофејот ќе се бори против Ајакс. Финалето во Лигата на Европа на програмата е на 24. мај во Стокхлом.

„Оваа сезона беше многу тешка и неверојатно би било доколку ја освоиме ЛЕ. Имаме шанса да го освоиме трофејот, но и шанса да се вратиме во ЛШ“, изјави Мурињо по натпреварот.

Португалецот ги пофали и своите играчи, кои против Селта, како што изјави, се бореле до самиот крај.