Модриќ максимално мотивиран пред „Ел Класико“: Ќе гинеме на терен!

Утре со почеток во 13:00 часот се игра едно од најголемите дербиња во светот, „Ел Класико“.

После 16 одиграни кола Реал Мадрид заостанува зад Барселона дури 11 бодови и „кралевите“ кои се наоѓаат на четвртото место немаат право на „кикс“ во овој натпревар.

На еден ден пред натпреварот за очекувањата за „Марка“ зборуваше фудбалерот од средината на Реал Мадрид, Лука Модриќ.

„Марка“ го опиша Модриќ како еден од најважните фудбалери за Реал во последните неколку години.

„Ние сме спремни да го играме големото „Ел Класико“ бидејќи и понатаму нашата цел е иста, а тоа е да ги освоиме титулите во сите натпреварувања во кои се натпреваруваме. Во првенството сеуште сме живи и со сите сили ќе се обидеме да ја освоиме Ла Лига. Освен првенството уште многу има да се игра и во Лигата на шампионите и шпанскиот куп. Ќе гинеме на терен за да стигнеме до сите трофеи“, изјави Модриќ.