Модел на Викторија Сикрет освои златен медал на ЗОИ

Американката Ајлинг Гу, освои злато за Кина во слободно скијање, на Зимските игри во Пекинг.

Ајлин е модел на Викторија Сикрет, а на ЗОИ настапува под знамето на Кина, иако е родена во САД, па успеа да слави пред конкуренцијата во слободно скијање.

Иако има само 18 години, таа веќе успеа да обезбеди неколку моќни спонзорски договори, а рекламира и брендови како Луј Витон, Тифани, Гучи и Фенди.

Според некои неофицијални информации, заработката од спонзори минатата година и донела 14 милиони евра.

„Ова е најдобриот момент во мојот живот. Најсреќен ден. Не можам да верувам дека ова се случи. Чувствувам како да испратив порака до светот. Ова беше моја најголема цел. Благодарна сум на шансата што можам да бидам тука“, кажа Ајлин.