Миовски избран за најдобар фудбалер на сезоната во Абердин

Македонскиот фудбалски репрезентативец Бојан Миовски ја доби наградата за најдобар фудбалер на сезоната во Абердин.

Македонскиот голгетер зад себе има сезоната за паметење и со 24 погодоци во сите натпреварувања сосема очекувано беше дека ќе ја добие оваа награда.

Миовски во моментов е трет стрелец во шкотското првенство со четиринаесет погодоци и две асистенции.

Да потсетиме, Бојан се најде и во „дрим-тимот“ на сезоната во шкотската Премиер лигата.