Македонија го запиша најлошиот пласман во настапите на ЕП

Ракометната репрезентација на Македонија ги заврши настапите во групната фаза на Европското првенство, а по трите порази го запишавме најлошиот пласман на едно ЕП на кое сме учествувале.

Македонија Европското првенство го завршува на 22-то место од вкупно 24 учесни на ЕП. Полошо пласирани од Македонија се само Босна и Херцеговина и Украина.

Ова е првпат на едно Европско првенство да не освоиме ниту еден бод во групната фаза и трет настап на кој не ја поминуваме првата фаза. Поради лошиот плсамн Македонија ќе игра два баражи за СП во јануари 2023 година.

Во првиот ќе бидеме носители, а ако поминеме во вториот ќе играме против противник од Европското првенство со кој ќе се бориме за место помеѓу 32 репрезентации кои ќе се натпреваруваат на СП следната зима.