Македонец вчера го добил дресот на Кулушевски

Дејан Кулушевски избра да го носи дресот на репрезентацијата на Шведска меѓутоа тој не заборавил од каде потекнува.

Порталот „Охрид Њуз“ објави сторија за Македонецот Марјан Кикески кој живее во Унгарија. Кикески присуствувал на вчерашниот натпревар помеѓу Френцварош и Јувентус и успеал да добие дрес од Кулушевски.

“Морам ова да го споделам затоа што многу големо задоволство ми направи Кулушевски. После завршување на натпреварот Кулушевски кој не влезе во игра со уште неколку фудбалери и членови на стручниот штаб тренираа на теренот. Тогаш, јас го извадив македонското знаме, Кулушевски веднаш го забележа, дојде кај мене и ми ги подари дресот. Ме направи многу среќен човек и немам зборови со кои можам да му се заблагодарам“ – напиша Кикески на социјалните мрежи.