Лига куп: Јунајтед ќе игра против клубот на своите легенди, Сити доби најтешка задача

Ждрепката за англискиот Лига Куп сакаше во третото коло Манчестер Јунајтед да игра против нисколигашот Салфорд.

Овој натпревар ќе има специјално значење затоа што сопственици на Салфорд со по 10% од акциите се легендите на „црвените ѓаволи“: Пол Сколс, Ники Бат, Гери Невил, Фил Невил и Дејвид Бекам.

Овој тим во претходното коло направи подвиг со елиминацијата на Лидс, меѓутоа ќе им биде тешко да направат уште едно чудо против еден од најголемите англиски клубови.

Од останатите фаворити Манчестер Сити немаше многу среќа бидејќи ги чека тежок премиерлигашки дуел против Њукасл, Ливерпул ќе се соочи со Лестер, Челзи го чека Брајтон, а Арсенал оди на Брентфорд.

Натпреварите се закажани за 26/27 септември.