Крилниот напаѓач на Манчестер Јунајтед, Маркус Рашфорд игра фантастично оваа сезона и со секој натпревар се повеќе ги воодушевува фидбалските фанови ширум светот.
Рашфорд доби многу позитивни критики и од поранешниот дефанзивец на Манчестер Јунајтед, Фил Невил кој смета дека е на нивото на Килијан Мбапе од ПСЖ и Осман Дембеле од Барселона.
„Сите ги фалат Дембеле и Мбапе, но никој во оваа земја не зборува за Рашфорд. Само поради тоа што е Англичанец, ние велиме ’тој игра по крило и е ок’. Маркус е во рангот на Дембеле и Мбапе, кои исто така играат по крилните позиции“.
„Луѓето велат дека Рашфорд треба да игра како централен напаѓач, но тој може да игра било каде бидејќи е многу добар. Тој е на иста цена како споменатите двајца – 100 или 150 милиони фунти. На исто ниво е како и нив и напредува секоја година“, истакна Невил.
Учество во игри на среќа е дозволено за лица со 18+ години. Играј одговорно!