Критики за Нејмар: Намерно добил црвен картон?

Пари Сен Жермен вчера оствари победа од 2:1 против Стразбург, но до победата „светците“ дојдоа многу потешко од очекуваното.

Имено, имаа фудбалерите на ПСЖ водство по првото полувреме и тоа откако Маркњиос погоди на асистенција на Нејмар. Сепак, во 51. минута истиот играч си постигна автогол.

Нејмар се најде во центарот на вниманието кога во период од две минути во 61. и 63. минута доби два жолти картони и предвреме го заврши натпреварот.

Првиот жолт картон Нејмар го заработи поради прекршок, а вториот поради обид да изнуди пенал со симулирање. Иако со играч помалку ПСЖ на крајот до победата дојде со голот на Мбапе од пенал во 95. минута.

Но, по исклучувањето јавноста смета дека Нејмар црвениот картон го испланирал. ПСЖ следниот натпревар го игра на 1. јануари, па многумина сметаат дека црвениот картон Нејмар го заработил за да се ослободи еден ден по дочекот на новата година.

Во ваквите критики се додава дека и добивање црвен картон за да се „ослободи“ не му е првпат на Нејмар во кариерата.

Neymar Has been Sent Off! Red Card #Neymar #Redcard #PSGStrasbourg pic.twitter.com/Zg5D2OwoqM

— YaruCR7 (@sahibzada_rahim) December 28, 2022