Конте се изнервира: Не елиминираа судиите!

Тренерот на Интер, Антонио Конте е мета на критики откако синоќа неговиот тим не успеа да го победи Шахтјор и беше елиминиран од Лигата на шампиони.

Конте тешко го поднесе овој неуспех, а посебно го изнервираа прашањата на новинарите.

На едно новинарско прашање, Конте даде дрзок одговор споменувајќи го натпреварот против Шахтјор од Лига Европа минатата сезона кога Интер победи со 5:0.

„Нашиот противник игра доста добро. Ги добивме пред неколку месеци со 5:0 и баш затоа ја имаа променето својата тактика. Вие како новинари пред да поставите прашање треба да размислите малку поубаво“, одговори Конте и заклучи дека голманот и судиите се виновни за елиминацијата.

„Во двата натпревари нивниот голман беше најдобар играч на теренот. Сега кога сме елиминирани можам да кажам и дека судиите не не почитуваа доволно. Имаше ситуации кога судеа против нас“, заклучи Конте.