Кари го предводеше Голден Стејт до 38. победа во сезоната 🎥

Продолжуваат добрите настапи Голден Стејт Вориорси во НБА лигата.

Вориоси изминатата ноќ ја забележаа 38. Победа во тековната сезона. Сега победен беше Хјустон на гости со 108:122. Предвник на Голден Стејт беше Стеф Кари кој постигна 40 поени од нив 21 во последниот дел од сребата. Освен тоа Кари додаде уште девет асистенции и пет скока. Солидна поддршка имаше од Ендрју Вигинс кој уфрли 23 поени.

На домашен терен Оклахома го совлада Портланд со 98:81 и така ја прекина серијата од серум порази во низа во НБА лигата. Филаделфија успеа да врзе пет триумфи во низа на домашен терен откако славеа против Мемфис со 122:119.

НБА РЕЗУЛТАТИ:

Кливленд – Њу Орлеанс 93:90

Индијана – ЛА Клиперс 122:116

Филаделфија – Мемфис 122:119 (прод.)

Бостон – Мајами 122:92

Атланта – Торонто 100:106

Њујорк – Сакраменто 116:96

Хјустон – Голден Стејт 108:122

Оклахома Сити – Портланд 98:81