Интер договори големо засилување

Италијанските медиуми пренесуваат дека Интер е блиску до првото големо засилување за следната сезона.

Станува збор за дефанзивецот на Борусија Мехенгладбах, Матијас Гинер, кој на крајот на сезоната ќе биде слободен агент.

Директорот на „нероаѕурите“ Бепе Марота е познат како мајстор за „ловење“ слободни агенти, па веќе постигнал договор со Германецот.

Гинтер имал и понуди од други европски клубови, но наводно ги одбил и ја прифатил понудата на „нероаѕурите“.

28-годишниот германски репрезентативец може да игра на сите позиции во одбраната, па поради тоа Инзаги го посакува во своите редови.