Изненадување: Мурињо може да биде наследен од негов помлад сонародник?

Жозе Мурињо не ја започна најдобро сезоната за која и самиот во текот на летото незадоволен од лошо одработениот преоден рок тврдеше дека ќе биде тешка.

Секако, кога клубот не игра како што се очекува прв на удар е тренерот, па таков е случајот и со Мурињо.

Медиумите на Островот веќе подолго време пишуваат дека доколку Јунајтед не започне да игра како што се очекува од таков клуб и бележи позитивни резултати, на Мурињо набрзо би му била покажана излезната врата.

Прв фаворит е човекот кој со Реал Мадрид освои три титули во низа во Лигата на шампионите, Зинедин Зидан, кој во овој момент е без ангажман, но на Островот се појави и информација дека постои алтернативно решение.

Како алтернативно решение наводно е означен стратегот на тимот на Вулверхемптон, Нуно Еспирто Санто.

Санто во минатата сезона имаше одлични резултати и со овој клуб освојувач на Чемпионшип се пласираше помеѓу најдобрите во Англија.