Издоминира и во финалето: Сабаленка го освои Австралија Опен!

Aрина Сабаленка ја одбрани титулата на првиот женски грен-слем турнир оваа година откако со 2:0 во сетови беше подобра од Кивен Женг од Кина.

Сабаленка доминантно ја одбрани титулата бидејќи во текот на целиот турнир не загуби ниту еден сет, односно ги освои сите 14.

Во финалето исто така немаше потешкотии и славеше со двапати по 6:3. За Сабаленка ова е втор трофеј на овој турнир.

На другите турнири Сабаленка нема победа, а во 2019 година играше финале на УС Опен.