Игуаин го спаси Милан од пораз на Сардинија (видео)

„Росонерите“ мораа да се задоволат само со бод на Сардинија.

Во последниот натпревар на програмата во недела од Серија А, Каљари и Милан ги поделија бодовите.

Почетокот на натпреварот му припадна на домашниот тим кој уште во четвртата минута стигна до водство преку Жоао Педро.

Овој гол го обележи првото полувреме иако Милан можеше да стигне до изедначување преку Чалханоглу и Боновентура.

Во вторите 45 гледавме поинаква слика на теренот, Каљари беше инфериорен, а „росонерите“ ја превземаа контролата. Голот за изедначување после една одземена топка на средината на Франк Кеси го постигна Гонзало Игуаин.

После погодокот Милан продолжи со добрата игра, но сепак резултатот не се промени Милан освои бод со кој се наоѓа на 16-тата позиција со четири освоени бодови, но и натпревар помалку.