Ибра: Кој ќе биде шампион? Златан игра во Милан, значи – Милан!

После седум кола во италијанското првенство Наполи е лидер на табелата со максимален број на бодови. Веднаш зад Наполи е Милан со два помалку, потоа следуваат Интер со четири помалку, па Рома со шест…

Златан Ибрахимовиќ кој неодамна го прослави 40. роденден новинарите го прашаа кој ќе биде шампион на Италија во сезоната 2021/2022.

„Во кој клуб игра Златан? Милан? Тогаш Милан…“, одговори во свој стил легендарниот шведски напаѓач па продолжи:

„Имам 40 години, но се чувствувам младо. Имам некои повреди, меѓутоа се е решено. Со нетрпение чекам да се вратам на теренот“, изјави Ибрахимовиќ.

Минатата сезона Ибрахимовиќ одигра само 19 натпревари поради повреда, а сезонава во натпреварот против Лацио доби 30 минути и веднаш постигна гол.