Зошто Динамо лаже дека преговарале со Чупиќ?

Денес во јавноста се појави изјава на директорот на Динамо Букурешт, Даниел Георгеску кој изјави дека тие преговарале со Иван Чупиќ.

Георгеску во текот на дешениот ден изјави:

„Чупиќ беше блиску до нашиот тим, преговаравме, но се откажавме од негово доведување затоа што од наредната сезона ќе мора да имаме најмалку осум романски ракометари“, изјави Георгеску.

Наводно потоа место за Чупиќ се одлучиле за нивниот репрезентативец Валентин Јонеа.

Меѓутоа не помина многу за да добиеме демант и тоа од менаџерот на Чупиќ кој во јавноста тврди дека романскиот тим никогаш не го контактирал Чупиќ.

„Зачудени сме и ние од тоа што го прочитавме во медиумите. Тие никогаш не го контатирале Чупиќ“, изјави Милан Павичевиќ.

Сега останува само да погодуваме зошто од Динамо се решиле да лажат дека преговарале со ракометарот на Вардар.