Зидан пред Севиља: Рамос нема да игра, Азар се извини на сите

Реал Мадрид утре го очекува натпревар против Севиља.

Со натпреварот против Севиља во рамките од 35. коло во Примера ќе продолжи борбата за шампионската трка, а пред гостувањето во Андалузија Зидан ги кажа своите очекувања.

„Знаеме што е во игра. Пред нас се четири финалиња, четири натпревари има до крај. Сакаме да заборавиме на Лигата на шампионите и да размислуваме за утрешниот натпревар“.

Зидан потврди дека Реал ќе биде без Рамос во овој натпревар.

„Серхио претрпе повреда и најважно е да оздрави. Се надевам дека и останатите работи ќе се поправат. Му посакувам што побрзо да се опорави. Тој е играч на Реал Мадрид и се натпреварува за Мадрид. Пред некој ден беше спремен 100%. После натпреварот имаше проблеми и не сакаме да ризикуваме“.

Тема беше и Азар.

„Азар знае што мора да направи на теренот и тоа ќе го направи. Разговаравме, се извини за реакцијата на мене клубот и играчите“, изјави Зидан.

Натпреварот помеѓу Севиља и Реал Мадрид се игра утре од 21:00 часот.