Зидан не размислува за раделба со Герет Бејл

Тренерот на Реал Мадрид, Зинедин Зидан не очекува Герет Бејл да го напушти „Сантиаго Бернабеу“ до крајот на преодниот рок.

На Островот денес се појавија информации дека Тотенхем сака да го врати Герет Бејл и ќе се обиде тоа да го направи до крајот на денот.

„Герет е со нас и воопшто не размислуваме за можноста тој да замине сега, ние сериозно сметаме на него“, изјави Зидан пред мечот со Атлетико.

„Сите мои играчи се подготвени, но нема да кажам кој ќе игра утре. Еден Азар тренира и влегува во ритам, но ние нема да ризикуваме, најверојатно нема да биде повикан за мечот со Атлетико“, истакна Зидан, кој на крајот го поддржа својот колега Диего Симеоне.

„Не ги разбирам критиките кон него. Знаеме каков тренер е Чоло. Тие велат дека Пеп Гвардиола е најдобар, но Симеоне е сигурно меѓу најдобрите и тој го докажа тоа“.