Зидан даде објаснување зошто на голот го стави својот син

Реал Мадрид потешко од очекувањата ја победи Хуеска. Кралевите до триумф со резултат 3:2 стигнаа во последните моменти од натпреварот.

На голот на Кралевите синоќа стоеше Лука Зидан, синот на тренерот Зинедин Зидан, односно третиот голман на екипата. Овој 21-годишен голман го одигра својот прв натпревар оваа сезона.

После натпреварот Зидан даде едноставно објаснување зошто на голот го стави својот син.

„Лука е трет голман. Тибо Куртоа е повреден, а Кејлор Навас се врати од репрезентацијата и му беше потребен одмор. Му дадов шанса на друг голман.“ – изјави Зизу.

Лука е член на Реал од својата шеста година, а во првиот тим е од 2018. година.