Зидан го пронајде новиот напаѓач во Волвс

Деновите на Лука Јовиќ во Реал Мадрид се одбројани, ако им се верува на странските медиуми.

Имено, Јовиќ не се прослави во дресот на Кралевите и се чини дека повеќе не е во плановите на Зинедин Зидан.

Како што пренесуваат англиските медиуми, Зидан пронајде нов напаѓач за својот тим, а се работи за играчот на Волвс, Раул Хименез.

Секако дека ова, ако се реализира, ќе биде изненадувачки потег на Зидан, но Хименез има одлична статистика во Волвс.

Тој оваа сезона постигна 22 погодоци во дресот на Волците, а во прилог му иде и тоа што е различен тип на напаѓач од Бензема, кој моментално е прв избор во нападот на Реал.