Ди Франческо пред отказ, а Рома му спрема одлична замена!

Фудбалерите на Рома лошо ја започнаа новата сезона во Серија А. Како најголем виновник за лошата игра е означен стратегот на „волчицата“, Еусебио Ди Франческо.

Рома после пет одиграни кола во Серија А се наоѓа на катастрофалното 15-то место со една остварена победа. Освен лошиот старт во првенството, „волчицата“ доживеа и убедлив пораз на отварањето во Лигата на шампионите од Реал Мадрид со 0:3.

Според тврдењата на „Газето дело спорт“, тренерот Ди Франческо ќе добие отказ доколку во следните три натпревари не забележи победи.

Наводно во Рома веќе стапиле во контакт со агентот на потенцијалниот наследник, а станува збор ни помалку, ни повеќе за – Антонио Конте!

Ди Франческо на клупата на Рома седна минатата година после пет успешни сезони во Сасуоло.

Roma, Di Francesco è a rischio. Il club sogna Antonio Conte#AsRoma #Romanewshttps://t.co/UhMBZKfcNQ pic.twitter.com/kMcJ6LojAR

— Romanews EU (@romanewseu) September 24, 2018