Десетмина стартери се сигурни, Зидан има само една дилема! (видео)

Фудбалерите на Реал Мадрид веќе пристигнаа во Киев и денес го одработија првиот тренинг на Олимпискиот стадионот пред утрешното финале во Лигата на шампиони.

Шпанските медиуми пренесуваат дека Зидан веќе ги одредил 10-те стартери за утрешниот меч и има само една дилема.

Иако до вчера се тврдеше дека Иско ќе биде фаворит да го стартува мечот позади Роналдо и Бензема, на денешниот тренинг Зизу му даде предност на Герет Бејл во стартниот состав.

Многу е веројатно дека „кралевите“ утре ќе стартуваат со форимација 4-3-3, а во моментов Велшанецот е во предност пред Иско и Асенсио.

Во остатокот од тимот нема изненадувања, Карвахал, Варан, Рамос и Марсело ќе делуваат пред голманот Навас, а во средниот ред стартери ќе бидат Каземиро, Модриќ и Крос.