Денес е денот на одлука – Што ќе се случи со Вентура?

Статусот на селекторот на фудбалската репрезентација на Италија, Џан Пиеро Вентура и понатаму е непознат иако „Аѕурите“ доживеаа катастрофа во баражот против Шведска.

Вентура денес треба да има состанок со претставниците на Фудбалскиот сојуз на Италија, чиј претседател Карло Кавекио изјави дека дека овој состонок ќе биде одлучена неговата иднина.

Италија беше елиминирана во двомечот против Шведска и ќе го пропушти Светското првенство кое ќе се одржи наредната година.

Вентура има договор до 2020 година кој неодамна го продолжи, но во него има опција според кој би бил раскинат доколку репрезентацијата на Италија не се пласира на Светското првенство.

Тој ги избегна медиумите еден ден после натпреварот во Милано, наводно заминал рано утрото од споредниот излез на хотелот со својот автомобил.

Италијанските медиуми веќе пренесуваат дека негови потенцијални замени се Антонио Конте, Роберто Манчини и Масимилијано Алегри.