Де Роси ја доби казната, капитенот на Рома суспендиран

Капитенот на Рома ја доби казната, која веројатно е и заслужена.

Фудбалерот на Рома, Даниеле Де Роси е суспендиран на два натпревари поради удирањето на Џанлука Лападула во ремито со Џенова.

Де Роси при водство на својот тим од резултат 1:0 во 69 минута го удри напаѓачот на Џенова без никаква потреба, судијата покажа на белата точка, а токму Лападула погоди за конечни 1:1.

На ветеранот на Рома денес му беше соопштено дека поради неспортското однесување ќе мора да оди на суспензија од два натпревари што значи дека ќе ги пропушти натпреварите против Спал и Киево.

Рома во овој момент е четврта на табелата со 31 бод, три помалку од Јувентус, но „старата дама“ има и натпревар помалку.