Го нема Роналдо, нема и мотивација за Меси?

Не изгледаше Реал Мадрид добро во првото полувреме, но потоа во второто постигна два гола и славеше во вчерашното „Ел Класико“.

Славеше Реал со 2:0 и така уште едно „Ел Класико“ помина без гол или асистенција од Лионел Меси. Можеби на Меси му недостасува Меси во најголемиот натпревар во Шпанија?

Имено, Аргентинецот не постигнал гол и не запиша асистенција во пет натпревари откако Роналдо го напушти Реал.

Овој податок добива дополнително на значење ако знаеме дека Меси погодуваше во последните натпревари пред Роналдо да замине.

Првото „Ел Класико“ без Роналдо Меси го пропушти поради повреда, а после тоа одигра пет, два во шпанскиот куп и три во Ла Лига. Изгледа дека ова е добар аргумент за сите оние кои тврдат дека Роналдо и Меси се прават еден со друг подобри играчи.