Го најави ли Видал со оваа изјава неговото заминување од Барселона?

Артуро Видал со последната изјава изгледа го најави она за што се пишува подолго време во медиумите – неговото заминување од Барселона.

Видал е веќе втора година во Барселона, но се поврзува со Интер и уште некои клубови. Не исклучена можноста на крајот на сезоната да замине од Барселона, тоа го потврди и самиот.

„Имам 33 години, но ако добро тренирам чувствувам дека можам да играм на највисоко ниво уште три-четири сезони. Моите податоци зборуваат сами за себе. Задоволен сум и имам одлични играчи, но сакам да се чувствувам важен. Ако не сум тогаш ќе побарам нешто ново во кариерата. Сакам да играм, не мислам на сите натпревари, но на оние најважните“, изјави Видал.

Потврди дека има одличен однос со Конте.

„Имаме одличен однос со Конте, тој знае дека јас сум победник и дека може да ми верува“, заврши Чилеанецот.