Геце објасни зошто го избрал ПСВ

Maрио Геце вчера вечер и официјално стана нов играч на ПСВ.

Договорот на Геце со Борусија Дортмунд истече минатата сезона и тој како слободен играч се реши кариерата да ја продолжи во ПСВ.

28 годишниот фудбалер по потписот објасни зошто го избрал ПСВ.

„Имав навистина повеќе понуди ова лето, но јас сум човек кој сам носи одлуки. Убеден сум дека го направив вистинскиот избор, дали сум во право времето ќе покаже. Додека немав клуб тренирав самостојно и се спремав за новата авантура. Со нетрпение чекам да почнам да тренирам со новите соиграчи“, изјави Геце.

Геце во ПСВ ќе го носи дресот со број 22.