Газдата на Салернитана порачува: Ако Јувентус сака ќе го преиграме натпреварот

Големи контроверзии во Италија предизвика натпреварот помеѓу Јувентус и Салернитана поради поништениот гол на „старата дама“ во самиот финиш од натпреварот за 3:2.

На никој не му е јасно како во ВАР собата не го забележаа Кандрева кај корнер знаменцето и го викнаа главниот судија да ја погледне ситуација со снимка на која Кандрева не се гледаше, па тој го поништи голот.

Во Јувентус разбирливо се бесни, поради протестите за тој поништен гол црвен картон заработија Алегри и Квардадо, а претходно поради соблекување дрес исклучен беше Милик со втор жолт картон.

Првиот човек на Салернитана сега во јавноста излезе со изненадувачка изјава во која порачува дека прифаќа да го преиграат натпреварот со Јувентус.

„Ако сака Јувентус ќе го преиграме натпреварот, ние немаме проблем“, изјави Лерволино.

Меѓутоа, сепак тешко е да се верува дека Серија А сериозно ќе ја разгледува можноста за преигрување на натпреварот.