Виљаш-Боаш му се враќа на фудбалот – можна дестинација Италија?

Aндре Виљаш Боаш наскоро ќе се врати на тренерското столче.

Поранешниот тренер на Тотенхем, Челзи и Зенит, откри дека имал понуди да работи во Италија.

Италијанците објавија дека имало многу контакти во претходните години, но и најавија дека и ќе ги има со оглед на тоа дека Виљаш-Боаш му се врати на фудбалот.

Во минатото интерес за Боаш покажувале Рома и Интер, клубови каде што барем засега тренерите се безбедни.

„Италија, очигледно ме интересира. Од тактичка гледна точка, тоа е една од најтешките лиги во светот. Во текот на годините имав контакти со Интер, Рома и уште неколку клубови“, изјави Боаш кој сепак потврди никогаш не стигнал до посериозна фаза од преговорите.

„Никогаш не сме влегле во сериозни преговори бидејќи јас бев врзан со друг клуб или пак не сме се договориле околу стартот на проектот“, откри Виљаш-Боаш.