Винисиус со еден потег го изнервира Зидан и соиграчите

Младата бразилска ѕвезда на Реал Мадрид, Винисиус Јуниор направи испад на последниот тренинг и силно го изнервира тренерот Зидан, но и соиграчите.

Познатиот шпански новинар, Едуардно Инда отркива дека Винисиус не сакал да тренира после мечот со Гетафе заедно со фудбалерите кои не настапија на овој натпревар. Со тоа Бразилецот силно ги изнервирал сите во клубот, а најмногу тренерот Зидан.

„За него зборува целата соблекувална. Сите ги изнервира откако одби да тренира со играчите кои не играа против Герафе. Успеа да го изнервира дури и Зидан“, открива Инда.

Новинарот откри дека Бразилецот тренирал само неколку минути, па го напуштил тренингот.

„Успеаа да го наговорат да дојде на тренинг. Меѓутоа, одработи неколку спринтови и си замина“.

Винисиус оваа сезона настапи на 16 натпревари на кои постигна два гола и запиша една асистенција.