Видео: Кливленд не запира, „Воините“ го загубија Кари

Синоќа имаше богата програма во НБА лигата, а ноќта ја одбележаа големиот пресврт на Голден Стејт, повредата на Стеф Кари и 12-та победа по ред на Кливленд.

Голден Стејт уште една покажа дека никогаш не треба да биде отпишан, шампионот на дуелот со Њу Орлеанс на полувремето губеше со 21 поени, а на крајот победи со 115-125.

Она што ги загрижува „Воините“ е повредата на Стеф Кари кој го поврди десниот глужд и ја напушти салата со лонгета и патерици. Тој постигна 31 поен за победата на „воините“, Клеј Томпсон помогна со 22 поени, а Кевин Дурант и Дрејмонд Грин додадоа по 19.

По поразот од Хјустон на 9 ноември, Кливленд ја запиша 12-та победа по ред. Пред вицепрвакот овој пат падна Чикаго и тоа пред своја публика со убедливи 113-91. Токму Двејн Вејд поранешниот играч на „Биковите“ беше еден од најефикасните за Кливленд со 24 поени, исто колку што впиша и Кевин Лав, потпомогнати и од Леброн Џејмс со 23 коша, 7 скока и шест успешни додавања.

Останатите резултати:
Индијана – Њујорк 115: 97
Шарлот – Орландо 104: 94
Филаделфија – Феникс 101: 115
Атланта – Бруклин 90: 110
Мемфис – Минесота 95:92
Далас – Денвер 122: 105
Сан Антонио – Детроит 96:93
Јута – Вашингтон 116: 69.