ВАР и Кејн му пресудија на Челзи во првото полуфинале од Лига Купот (ВИДЕО)

Во првиот натпревар од полуфиналето во англискиот Лига Куп фудбалерите на Тотенхем на „Вембли“ стигнаа до минимална победа против Челзи.

Двата тима тргнаа со силно темо, па видовме неколку интересни прилики уште на стартот.

Иако Челзи беше тимот кој имаше теренска иницијатива, Спарсите стигнаа до предност во 26-тата минута.

Кепа Аризабалага во казнетиот простор го сруши Хари Кејн, а после прегледувањето на ВАР снимките судијата Мајкл Оливер покажа на белата точка.

Челзи имаше поголем посед и иницијатива во вториот дел, но и покрај тоа не успеаа да го избегнат поразот.

Реваншот се игра на 24-ти јануари на „Стенфорд Бриџ“.