Британците го нападнаа Ѓоковиќ поради неносење маска, а за забавата на Ливерпул – ниту збор!

Навивачите на Ливерпул беа пресреќни синоќа по победата против Челси од 5-3, зашто конечно ја прославија титулата на која чекаа цели 30 години, па не ги спречија ниту предупредувањата да не се собираат масовно пред „Енфилд“.

Иако полицијата ги предупреди навивачите да не слават пред стадионот, а тоа ги замоли и тренерот Јирген Клоп, поради ризик од ширење на Ковид-19, сепак тие не ги послушаа и дојдоа да го слават големиот успех на тимот.

Илјадници навивачи беа пред „Енфилд“ за време на мечот и по него, па се славеше како да е нормална состојбата во Британија и како да нема никаков вирус.

Интересно е тоа што британските медиуми не го осудија масовното собирање на навивачите без маски за време на Ковид-19, но тие удрија по српскиот тенисер Новак Ѓоковиќ, кој не носеше маска, иако беше во близина на еден негов пријател.

Nine people have been arrested after thousands of Liverpool fans gathered outside Anfield to celebrate the club’s Premier League win, despite warnings to stay at home https://t.co/Ivw7AIwNui

— TheJournal.ie (@thejournal_ie) July 23, 2020