Брентфорд руши рекорди со продажбата од дресот на Ериксен

Екипата на Брентфорд неодамна во своите редови го доведе Кристијан Ериксен, а овој потег се покажа како полн погодок за англискиот премиерлигаш.

Брентфорд се одлучи да му даде шанса на Ериксен да се врати на терените после случајот на Европското првенство во дресот на Данска кога доби срцев удар. Најавите беа дека Ериксен ќе престане да игра фудбал, но сепак Данецот реши да продолжи.

Еуфоријата помеѓу навивачите на Брентфорд поради потписот со Ериксен е голема и тоа донесе рекордна продажба на дресовите со името на данскиот фудбалер. Имено, 24 по објауввањето на трансферот Брентфорд добил нарачки од дредот на Ериксен дури од 21 различна земја.

Тоа беше најуспешниот ден за продажба во историјата на клубот со 30 пати повеќе нарачки од вообичаено.