Борусија Дортмунд му постави ултиматум на Халанд

Раководството на Борусија Дортмунд веќе го губи трпението поради несигурноста околу иднината на Ерлинг Халанд.

Причина за тоа се постојаните јавни коментари на неговиот агент Мино Раиола, кој постојано зборува за неговата иднина.

Барселона, Реал Мадрид, Манчестер Сити, Ливерпул и ПСЖ се поврзуваат со трансфер на Халанд, кој има договор со Борусија Дортмунд до јуни 2024 година.

Меѓутоа, ова лето во неговиот договор ќе има откупна клаузула од 75 милиони евра, сума која сите заинтересирани клубови се спремни да ја платат.

Желбата на Дортмунд е да го задржи Халанд најмалку уште една година, но се уште нема одговор од Норвежанецот. Поради тоа „милионерите“ му поставиле краен рок до февруари на наѓачот да им ја соопшти неговата конечна одлука.