„Бомба“ од Србија: Просинечки нов селектор на Македонија

Српските медиуми ексклузивно пренесуваат дека Роберт Просинечки ќе биде нов селектор на македонската репрезентација.

Српски „Курир“ тврди дека Просинечки ќе седне на местото на Игор Ангеловски и ќе ја води Македонија на Европското првенство на лето.

Договорот на Ангеловски истекува за неколку дена, а од ФФМ се уште му немаат понудено продолжување на соработката.

Ангеловски постигна историски успех и ја однесе македонската репрезентација на Европско првенство, па јавноста очекува дека ќе добие нов договор.

Од ФФМ се огласија и тврдат дека најпрво ќе седнат на преговори со Ангеловски, и доколку не постигнат договор, тогаш ќе преговараат со други тренери.