Бензема се изедначи со Раул!

Карим Бензема продолжува да игра во фантастична форма, а сега го достигна и легендарниот Раул Гонзалес. Бензема се израмни на втората позиција по бројот на постигнати голови со легендарниот Шпанец.

Со голот против Леванте во победата од 6:0 Бензема дојде до бројката од 323 гола колку што има Раул за „кралевите“. Веќе со наредниот постигнат гол Бензема ќе биде осамен на втората позиција. На врвот на листата стрелци е Кристијано Роналдо кој за девет години во Реал Мадрид постигна 450 голови.

Сезонава Бензема има 44 гола на 44 натпревари за Реал Мадрид.