Бенаси: Астори денес беше на терен со нас!

Фудбалерите на Фиоренатина денес го победија Беневенто во првиот натпревар после смртта на капитенот, Давиде Астори.

Единствениот гол го постигна Виктор Уго, кој играше токму на местото на Астори.

„Астори денес беше на теренот со нас и сакам да мислам дека му помогна на Виктор при скокот да постигне гол“, изјави Бенаси.

„Ова беше многу тажен ден, беше тешко да се влезе во соблекувалната, да се гледа неговото место празно…беше многу тешко. Мислам дека беше со нас на терен и горд е што победивме“, додаде играчот за врска на Фиорентина.