Барселона објави колку заработила од продажбата на билети за мечот со Ајнтрахт

Потпретседателот на Барселона, Елена Форт откри дека клубот заработил нешто над три милиони евра од продажбата на билети за натпреварот против Франкфурт.

Освен елиминацијата на Барселона од Ајнтрахт во медиумите главна тема е и ситуацијата со навивачите на трибините каде што имаше околу 30.000 навивачи на германскиот тим, иако УЕФА на гостите им додели само 5.000 билети.

Во Барселона добро заработиле, меѓутоа поради целата ситуација немаат причина за задоволство.

„Со продажбата на билети за натпреварот против Ајнтрахт собравме над три милиони евра, но не сме задоволни после она што се случи вчера на трибините. Сакам да се извинам на сите наши членови кои вчера беа на стадионот, срамно е и неприфатливо“, изјави Елена Форт.

Таа потврди и дека Барселона директно не продала влезници на навивачите од Германија, а биле блокирани германски ИП адреси и германски платежни картички.