Барса се надева дека ќе продолжи добрата традиција против Лион!

Барселона е огромен фаворит во двомечот со Лион, но на првиот меч во Франција можеме да очекуваме се. Освен тоа, Лион сезонава покажа дека знае како против најдобрите и тоа е големо предупредување на каталонскиот гигант.

Лион знае да игра против големи фаворити

Лион добро се загреа за натпреварот против Барселона, зацврстувајќи се на третото место во Лига 1. Тие славеа победа над Генгамп со 2:1 на домашен терен но Бруно Генесио имаше изненадувачки силен состав. Очекувањата беа дека тој ќе одмара дел од фудбалерите, но единствено Мартин Териер беше искористен за ротација. Интересно, но токму тој постигнна гол заедно со капитенот Набил Фекир .

Големиот талент Хосем Ауар беше асистент за двата гола и повторно ќе биде клучен на овој меч против Барса, особено што Фекир е суспендиран и ќе го пропушти натпреварот. Генесио беше задоволен од победата над Генгамп. Но тој предупреди дека неговите играчи мора да се подобрат ако сакаат да извлечат добар резултат на овој меч.

Фудбалерите на Лион покажаа дека се способни да се натпреваруваат со елитата ,а како домаќините одиграа нерешено со Манчестер Сити, а славеа на гости и сега се надеваат дека повторно ќе изненадат еден голем гигант. Освен тоа, пред две кола славеа на домашен терен и против ПСЖ, па веројатно апетитето донекаде им се оправдани.

Валверде има посвежи фудбалери

Барселона е на врвот на Ла Лига со седум поени предност во однос на Атлетико Мадрид и тоа е голем плус за екипата во Лигата на Шампиони. Тие имаат можност за ротации во наредниот период и веројатно ќе ги искористат целосно. Сепак, каталонците не успеаја да инспирираат минатиот викенд победувајќи со 1:0 над Ваљадолид. Единствениот гол на мечот го постигна Лионел Меси и тоа од пенал.

Победата дојде како крај на серијата од три последователни нерешени натпревари за екипата на Ернесто Валверде кој сепак успеа да одмори дел од фудбалерите. Суарез, Ракитиќ, Ленглет, Кутињо и Семедо беа на клупата, а сега веројатно ќе стартуваат и тоа доста свежи.

Шефот на Блауграна тврди дека Барса ќе биде подготвена да го реши двоечот уште во Франција, а свежината и добрата ротација ја истакна како голема предност.

Предност за Валверде е и враќањето во тимот на поранешниот фудбалер на Лион, Умтити кој доби медицинско зелено светло по неколку месеци пауза, иако тешко е да се верува дека тој ќе стартува на овој дуел. Сепак постојат шанси и за тоа, ако се земе во предвид дека Вермален е повреден, заедно со Рафиња и Артур.

Каталонците се фаворити во овој двомеч и се надеваат да продолжи традицијата на добри резултати против францускиот клуб. Имено, до сега Барса има одиграно 6 меча со Лион и нема ниту еден пораз – 4 победи и 2 ремија.

Веројатни состави:

Лион: Лопес, Дубоа, Марсело, Морел, Менди, Ндомбеле, Тусар, Ауар, Траоре, Депај, Дембеле.

Барселона: Тер Штеген, Роберто, Пике, Ленгле, Алба, Видал, Бускетс, Ракитиќ, Дембеле, Меси, Суарез.